माथिल्लो कर्णाली क्षेत्रबाट नेपालको सार्वजनिक प्रशासनमा सहसचिव बन्ने संख्या पाँच पुगेको छ। हालै दुई जना नयाँ सहसचिव थपिएसँगै यस क्षेत्रको उपस्थिति केन्द्रीय प्रशासनमा उल्लेखनीय रूपमा बढेको हो।
बिज्ञापन
माथिल्लो कर्णालीबाट सहसचिव बन्ने पहिलो व्यक्ति जय नारायण आचार्य हुन्। उनी २०७१ सालमा सहसचिव पदमा बढुवा भएका थिए। हाल उनी संस्कृति, पर्यटन तथा नागरिक उड्डयन मन्त्रालयमा कार्यरत छन्। कर्णालीबाट पहिलोपटक सहसचिव बनेर उनले यस क्षेत्रका कर्मचारीहरूका लागि मार्गप्रशस्त गरेका थिए।
बिज्ञापन
त्यसैगरी भुपेन्द्र थापा वन तथा वातावरण मन्त्रालयमा कार्यरत छन्। गोगन हमाल बर्दियाको प्रमुख जिल्ला अधिकारी (सिडियो) का रूपमा कार्यरत छन् र प्रशासनिक नेतृत्व सम्हालिरहेका छन्।
हालै खडानन्द अधिकारी (जुम्ला) र मानबहादुर बम (कालिकोट) सहसचिव पदमा नियुक्त भएसँगै माथिल्लो कर्णालीबाट सहसचिवको संख्या पाँच पुगेको हो।
बिज्ञापन
पछिल्लो समय कर्णाली क्षेत्रबाट उच्च प्रशासनिक पदमा पुग्ने क्रम बढ्दै जानुले क्षेत्रीय सन्तुलन र समावेशी प्रतिनिधित्वको दृष्टिले सकारात्मक सन्देश दिएको छ। स्थानीय तहदेखि संघीय प्रशासनसम्म कर्णालीका जनशक्तिको उपस्थितिले नीति निर्माण र कार्यान्वयनमा क्षेत्रीय अनुभव समेटिने अपेक्षा गरिएको छ।
